КРАЈ

Те прележувам
Како заушки Сипаници
Или некаков нов тип грип
Заболувам од твоите лаги
Непотребните изговори
И те прележувам
Како прво пијанство
Студ во градите
Врелина во виугите
Те прележувам
Во морници
Во бунило го извикувам твоето име
Те прележувам две недели
Со анти -депресиви
и големи количества Исаковски
Во моите болни халуцинации
Чувствувам
Ти мене ме презираш
Ко прва шлаканица
Во моите болни халуцинации
Те гледам
Како бегаш хистерично
Од мојот зелен поглед
Од мојата сурова вистина
Од мојата болна праведност