Додека пијам кафе со моите пријателки
јас мислам на тебе
Додека се смешкам љубезно
глуво си мечтаам за обетката на твоето уво
и сакам да ја одгризам
твојата перверзно испакната уста
твојот перверзен рапав глас
твоите рапави зборови
Бомбона
Додека ја коментираме сезоната на свадби
се сеќавам со радост на ветената предигра
педигрето
возот
звуците на твојата локомотива
локумот кој не го пробав
Додека лижам сладолед
ја гледам во несоница
твојата уста со боја на прегризана цреша
твоите пространи очни капаци
синото под нив
Додека гледам во дрвјата крај патот знам
Ти си убав ко природа
Ти си вистински ко природа
Ти си далечен ко природа
No comments:
Post a Comment