2009-02-10

ИЗГРИЗАНИ КОЖИЧКИ


Моето месо на масата мазохистички мами
Масата е минорна
Мрмори мојот млад миленик
Мрморењето е меко
Мрмори моето месо
Мрмори и масата
Мојата маса медитира
Минорно
Ко меридијан
Мојот млад миленик растегнат низ масата
ме потиснува до мезанинот
Мрмливо ми ја мати свеста
понирам во масата
изгризаните кожички околу неговите нокти
ја моделираат масата
некоја замислена жена медитира меѓу нас
во минливиот миг меѓу мене и мојот млад миленик
некој замислен мулат го метастазира мазохизмот
ми кине вресок
воздухот е метеор
меко го ловам
моќно го барам
околу изгризаните кожички
на неговите прсти

No comments: